డ్రగ్స్ అడిక్షన్.. అక్రమాయుధాల కేసు వంటి క్షమించరాని నేరాలతో చాలా కాలం పాటు జైల్లో గడిపిన సంజయ్ దత్ జైలు జీవితం అనంతరం దినదిన ప్రవర్థమానంగా ఎదిగిన తీరు ఆశ్చర్యకరం. సినిమాలలో అతడి కంబ్యాక్ ఎందరికో స్ఫూర్తి. కంబ్యాక్ మాత్రమే కాదు.. అతడి ఆదాయ ఆర్జన కూడా చుక్కల్లో ఉందిప్పుడు. అతడు ఓవైపు హీరోగా నటిస్తూనే నెగెటివ్ షేడ్ ఉన్న పాత్రలతో మెప్పిస్తున్నాడు. కోట్లాది రూపాయల పారితోషికాలను అంటుకుంటున్నాడు.
ఇప్పుడు భాయ్ సంజయ్ దత్ భారతదేశంలోని మద్యం బ్రాండ్ల శ్రేణిని దిగుమతి చేసుకోవడం రిటైల్ వ్యాపారం చేయడం లక్ష్యంగా కార్టెల్ & బ్రోస్ అనే ఆల్కోబెవ్ (ఆల్కహాలిక్ బెవరేజ్) స్టార్టప్ లో పెట్టుబడి పెట్టారు. స్టార్టప్ ప్రారంభ సమర్పణ గ్లెన్ వాక్- స్కాట్లాండ్ నుండి దిగుమతి చేసుకున్న మిశ్రమ స్కాచ్ విస్కీ. ఫ్యూచర్ ప్లాన్ లలో వోడ్కా- టేకిలా- సింగిల్ మాల్ట్ బ్రాండ్లను పరిచయం చేయాలనేది ప్లాన్. సంజయ్ దత్ ఆల్కోబెవ్ స్టార్టప్ కార్టెల్ & బ్రదర్స్ లో పెట్టుబడి పెట్టాడు.
భారతదేశంలో మద్యం పోర్ట్ ఫోలియోను విస్తరిస్తున్నాడు. లిక్కర్ రిటైల్ చైన్ లివింగ్ లిక్విడ్జ్ వెంచర్ ప్రమోటర్ ఐదుగురు భాగస్వాములలో ఒకరైన మోక్ష్ సాని- కంపెనీ స్కాట్లాండ్ లో ఫ్యాక్టరీ లీజును పొందిందని వెల్లడించారు. యువ వినియోగదారుల విస్తృత స్థావరమైన భారతదేశంలోకి లిక్కర్ ని విరివిగా అందుబాటులో ఉండేలా చేయడం కంపెనీ లక్ష్యం. ఉత్పత్తులకు సరసమైన ధరను అందించడం లక్ష్యం. ఇందులో దత్ పెట్టుబడి వెయ్యి కోట్ల వరకూ ఉంటుందని గుసగుసలు వినిపిస్తున్నాయి.
సంక్లిష్ట నిబంధనలు రాష్ట్ర-స్థాయి పన్నులు ధరల నియంత్రణ సహా నియంత్రిత ఆల్కోబెవ్ పరిశ్రమకు సంబంధించిన సవాళ్లు ఉన్నప్పటికీ కార్టెల్ & బ్రోస్ వెనుక ఉన్న బృందం ఆశాజనకంగా ఉంది. ప్రతి వ్యాపారంలో నిబంధనలు ఉన్నప్పటికీ భారతదేశంలోని యువ జనాభా మద్యపానీయాలతో ప్రయోగాలు చేయడానికి సిద్ధంగా ఉందని కంపెనీ విశ్లేషిస్తోంది. ప్రపంచవ్యాప్తంగా వేగంగా అభివృద్ధి చెందుతున్న ఆల్కహాల్ మార్కెట్ లలో ఒకటిగా భారతదేశం హోదా సాధించింది.
అందుకే ఈ ఆశావాదం బలపడింది. స్కాచ్ విస్కీ అసోసియేషన్ (SWA) నుండి ఇటీవలి డేటా వాల్యూమ్ పరంగా UK అతిపెద్ద స్కాచ్ విస్కీ మార్కెట్ కాగా.. భారతదేశం ఫ్రాన్స్ ను అధిగమించిందని సూచిస్తుంది. మునుపటి సంవత్సరంతో పోలిస్తే 2022లో స్కాచ్ విస్కీ దిగుమతి గణనీయంగా 60 శాతం పెరిగింది.
దత్ కెరీర్ మ్యాటర్ కి వస్తే…. 63 ఏళ్ల స్టార్ 2022లో విడుదలైన షంషేరాలో చివరిగా కనిపించాడు. మల్టీ-స్టారర్ బాప్ సహా అతని కెరీర్ లో కొన్ని భారీ ప్రాజెక్ట్ తో ఆసక్తికరమైన లైనప్ ని కలిగి ఉన్నాడు. ఇది కాకుండా అట్లీ కుమార్ తెరకెక్కిస్తున్న షారుఖ్ ఖాన్ చిత్రం జవాన్లో అతను అతిధి పాత్రలో కనిపించనున్నాడు. ఈ చిత్రాన్ని సెప్టెంబర్ 7న విడుదల చేయనున్నారు.
